مـبـادئ الـغـلاسـة والـظـرف الأسـاسـيـة ►☻►☻►, اهو بعلمكم حاجه للزمن وكله بثوابه

السلام عليكم ورحمة الله وبركاته
دي حاجه كده عشان لو حبيت تخنق حد
بس راعي الفرق بين حجمك وحجمه(يستحسن يكون فارق الحجم لصالحك)
أنا مش مسئول عن أي خساير في الأرواح
يللا نبتدي

لما تسأل واحد وتقلوا أقول ولا مقولش ..يقلك قول ..قله قول وطعميه .


لما تسأل واحد وتقله صح ولا غلط ..يقلك صح ..قله صح النوم

لما تسأل واحد وتقله الكلام دا حصل ..قالك حصل ..قله حصل وطحينه


لما واحد يقلك انا جيت نورت البيت قله ..لا دا نور الكهربه



لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان




لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش


لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه




لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه


لما واحد يقلك طز فى اي حد .. قله طز بلبن


لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا


لما تلاقى شب بيستظرف قله : ايه يلا العسل ده مولود ف بالاص ولا امك نحله


لو لقيت حد لابس قميص مكرمش قله ايه القميص الى طالع من بق كلب ده .... ولو لون القميص غريب قله في منه رجالي ده ؟!؟! ساعتها هتلاقي قفاك إحمررررر (أنا قولت راعي فرق الحجم)


لو حد استظرف عليك قال على قميصك مافيش منه رجالى؟ ... قله لا والله ده اخر واحد


لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....


إلخ إلخ لحد مايضربك
منقوللللللللللللللللللل

ايه الحلاوة دى
بجد آخر روقان
شكرا ياغاالى على الضحكة اللى خدتها منى
وعلى التطوير فى المنتدى
ويارب نكون عند حسن الظن والحظ والطالع والختام

الحلاوه فى الدكان
والروقان مش للجبان
والضحك مبقاش من أفواه البناطيل وتكون فى بيتكم بس الشقه فاضيه